4 ວິທີທາງ ທີ່ຈະເຮັດໃຫ້ເຮົາສາມາດລຸກຂື້ນມາໄດ້ ຫລັງຈາກທີ່ເຮົາໄດ້ຮັບຄວາມເຈັບປວດຈາກໃຜບາງຄົນ.

ມັນບໍ່ແມ່ນເລື່ອງງ່າຍ, ແຕ່ນັ້ນມັນກໍ່ຄຶຊີວິດ ນັ້ນຈຶ່ງເປັນເຫດຜົນວ່າຍ້ອນຫຍັງເມື່ອໃດທີ່ເຮົາມີຄວາມສຸກ ເຮົາຈຶ່ງຮູ້ສືກດີເປັນພິເສດ.

ຊີວິດຂອງຄົນເຮົາທຸກຄົນມັກຈະມີບັນຫາເຂົ້າມາຢູ່ເລື້ອຍໆ ເຖີງມັນຈະດີຫລືບໍ່ ກໍ່ຕາມ, ມັນເປັນເລື່ອງງ່າຍ ແລະ ເຮົາກໍ່ສາມາດທີ່ຈະຍີ້ມໄດ້, ສາມາດເບິ່ງມັນເປັນດ້ານບວກໄດ້ ຖ້າສິ່ງເຫລົ່ານັ້ນມັນໄດ້ເຮັດໃຫ້ເຮົາພໍໃຈ, ແຕ່ກົງກັນຂ້າມເມື່ອມີບັນຫາທີ່ບໍ່ດີເຂົ້າມາຫາເຮົາ ມັນກໍ່ຈະຍາກຫລາຍທີ່ຈະໃຫ້ເຮົາເບິ່ງໄປໃນແງ່ບວກ ເມື່ອຊີວິດຂອງເຮົາໄດ້ຖືກຖີ້ມໃຫ້ໄປກອງຢູ່ກັບພື້ນດິນແບບນີ້.

ຕໍ່ໄປນີ້ແມ່ນ 4 ຫົນທາງທີ່ຈະສາມາດຊ່ວຍໃຫ້ເຮົາ ລຸກຂື້ນກັບຄຶນມາໄດ້ ຫລັງຈາກທີ່ມີໃຜບາງຄົນ ຫລື ສິ່ງໃດສິ່ງຫນຶ່ງເຮັດໃຫ້ເຮົາເຈັບປວດ.

1.ຈົ່ງມີຄວາມ ເຫັນອົກ-ເຫັນໃຈ ກັບຄົນອື່ນ.

ຄຳເວົ້າທີ່ໂຫດຮ້າຍ, ພຶດຕິກຳທີ່ບໍ່ດີ, ຄວາມຄິດເຫັນທີ່ເກີດຂື້ນກັບເຮົາ ທີ່ເຮັດໃຫ້ເຮົາຮູ້ສຶກໂສກເສົ້າ ຈົ່ງຮຽນຮູ້ທີ່ຈະຮັບຮູ້ສິ່ງນັ້ນ ແລ້ວປ່ອຍວາງ, ໃຫ້ອາໄພ ແລະ ຍົກໂທດໃຫ້ກັບພວກເຂົາໃຫ້ໄດ້ຫລາຍທີ່ສຸດ ເທົ່າທີ່ຈະສາມາດເຮັດໄດ້.

2.ຮຽນຮູ້ທີ່ຈະໃຫ້ອາໄພໃນໂຕເອງ.

ຖ້າເຈົ້າມີຄວາມຮູ້ສຶກທີ່ຄ້ອຍໃຈ, ເຈົ້າບໍ່ມີຄວາມຮູ້ສຶກດີກັບໂຕຂອງເຈົ້າເອງເລີຍ ຍ້ອນເພາະວ່າມີໃຜຄົນຫນຶ່ງທີ່ເຮັດໃຫ້ເຈົ້າເສຍໃຈ ຫລື ຖີ້ມເຮົາໄປ ເຈົ້າຈະອາດຈະໂທດໂຕເອງ ແລະ ບອກກັບໂຕເອງວ່າເຈົ້າບໍ່ເຂັ້ມແຂງພໍ ຫລື ມັນເປັນຄວາມຜິດຂອງເຈົ້າຕ່າງໆນາໆ ທີ່ໄດ້ເລືອກໃນຄວາມສຳພັນຄັ້ງນີ້. ແນວໃດກໍ່ຕາມ ມັນຮອດເວລາແລ້ວທີ່ເຮົາຈະເຂົ້າໃຈວ່າເຮົາທຸກຄົນສາມາດທີ່ຈະເຮັດຜິດພາດໄດ້ ທີ່ເຫລືອກໍ່ມີແຕ່ວ່າເຮົາຄວນຈະໃຫ້ອາໄພໃນໂຕເອງ ເພາະເຮົາກໍ່ເປັນພຽງມະນຸດທຳມະດາຄົນຫນຶ່ງ ຄຶຄົນທົ່ວໆໄປ.

3. ເບິ່ງຫາວິກິດ ແລ້ວສ້າງມັນໃຫ້ມາເປັນໂອກາດ.

ໃຊ້ເວລານີ້ເພື່ອຄົ້ນຄິດກ່ຽວກັບສິ່ງທີ່ມັນບໍ່ດີ ທີ່ໄດ້ເກີດຂື້ນກັບເຮົາ, ແມ່ນຫຍັງຄຶສິ່ງທີ່ເຮົາສາມາດທີ່ຈະຮຽນຮູ້ໄດ້ຈາກບົດຮຽນໃນຄັ້ງນີ້, ຫາວິທີໃນການພັດທະນາ, ເບິ່ງວິກິດໃຫ້ເປັນໂອກາດ ແລະ ປ່ຽນແປງມັນໃຫ້ໄດ້.

4.ເອົາໃຈໃສ່ຫມູ່ເພື່ອນ ແລະ ຄອບຄົວໃຫ້ຫລາຍຂື້ນ.

ບໍ່ວ່າພວກເຂົາຈະເປັນຫມູ່ເພື່ອນ, ຄອບຄົວ ຫລື ໃຜກໍ່ຕາມທີ່ມີຄວາມເຊື່ອຫມັ້ນໃນໂຕທ່ານ ຈົ່ງເປີດໃຈໂອລົມກັບເຂົາ ພ້ອມທັງຄອຍເຕືອນໂຕເອງວ່າເຮົາເປັນໃຜ, ຈົ່ງໃສ່ໃຈວ່າພວກເຂົາເຫລົ່ານັ້ນແມ່ນຍັງຮັກເຮົາຢູ່ສະເຫມີ ສະນັ້ນເຮົາກໍ່ຄວນທີ່ຈະຮັກ ແລະ ປະຕິບັດດີຕໍ່ໂຕເຮົາເອງໃຫ້ດີເທົ່າທີ່ຈະດີໄດ້. ຈົ່ງເຊື່ອວ່ານັ້ນຄືຄວາມຈິງ.

ຈົ່ງຕື່ນ, ລຸກຂື້ນ ແລະ ພະຍາຍາມຕໍ່ໄປ, ຢ່າຍອມແພ້.