ຄຳວ່າ “ບໍ່ມີເວລາ” ເປັນຄໍາເວົ້າທີ່ເຮົາບໍ່ຄວນຈະເອົາມາໃຊ້ເພື່ອເປັນຄໍາແກ້ໂຕ.

ຄຳວ່າ ຫຍຸ້ງວຽກ ຫລື ບໍ່ມີເວລາ ມັນເປັນຄຳເວົ້າຂອງຄົນທີ່ຜ່າຍແພ້ ແລ້ວສັນຫາຄຳເວົ້າເພື່ອມາແກ້ໂຕໃຫ້ກັບຕົວເອງຊື່ໆ. ເວລາໃດທີ່ມີຄົນມາເວົ້າຄຳນີ້ກັບຂ້ອຍ, ຂ້ອຍຈະຮູ້ສຶກສົງສານເຂົາຫລາຍ, ມັນເປັນສິ່ງທີ່ບໍ່ດີເລີຍ ທີ່ເຮົາຈະໃຫ້ຄໍາເວົ້າແກ້ຕົວງ່າຍໆແບບນີ້ ມາຂັດຂວາງຊີວິດຂອງເຮົາ ແລະ ເປັນຕົວກາລັນຕີວ່າເຮົາຈະບໍ່ສາມາດບັນລຸເປົ້າຫມາຍ ຫລື ສິ່ງທີດີຕ່າງໆທີ່ເຂົ້າມາໃນຊີວິດຂອງເຮົານັ້ນໄດ້.

“ຜູ້ຄົນມັກຈະແກ້ຕົວ ດ້ວຍໃຊ້ຄຳວ່າບໍ່ມີເວລາ, ນັ້ນແຫລະຄຶເຫດຜົນທີ່ເຮັດໃຫ້ພວກເຂົາພ່າຍແພ້”

ເຫດຜົນທີ່ວ່າ ຂ້ອຍຫຍຸ້ງ, ຂ້ອຍບໍ່ມີເວລາ ເປັນເຫດຜົນທີ່ບໍ່ຄວນຈະເອົາມາໃຊ້ເປັນຄຳແກ້ຕົວ.

ມັນຂ້ອນຂ້າງທີ່ຈະທຳມະດາເກີນໄປ, ເມື່ອເຈົ້າເວົ້າວ່າ ເຈົ້າບໍ່ມີເວລາ ຫລື ເຈົ້າບໍ່ຫວ້າງເລີຍ ຕໍ່ຫນ້າຄົນໃດຄົນຫນຶ່ງ, ມັນປຽບສະເຫມືອນກັບວ່າເຈົ້າບໍ່ໃຫ້ຄວາມສຳຄັນກັບຄົນໆນັ້ນເລີຍ. ຄ້າຍໆກັບວ່າເຈົ້າເປັນຄົນທີ່ສະອາດ ບໍລິສຸດ, ແຕ່ເຮັດກັບວ່າຄົນອື່ນເປັນຄົນທີ່ເປີະເປື້ອນ ຈົນບໍ່ຢາກເຂົ້າໃກ້ພວກເຂົາ ເຖີງຂັ້ນປະຕິເສດໄປເຊັ່ນນັ້ນ.

ກ່ອນເຮົາຈະໃຊ້ຄຳວ່າ ບໍ່ມີເວລາ ຄວນຈະພິຈາລະນາ ຫລື ນຶກເຖີງຄວາມຮູ້ສຶກຂອງຄົນອື່ນກ່ອນ, ເພາະການທີ່ເຈົ້າເວົ້ານັ້ນ ມັນເທົ່າກັບການທີ່ເຈົ້າບອກໃຫ້ເຂົາ ໄປໃຫ້ໄກໆ.

ເວົ້າຄວາມຈິງ.

ຫລາຍໆຄັ້ງທີ່ເຮົາແກ້ໂຕວ່າເຮົາ ບໍ່ຫວ້າງ, ມັນເປັນພຽງຂໍ້ອ້າງ ຫລື ການຕົວະຊື່ໆ ສະນັ້ນຈົ່ງເວົ້າຄວາມຈິງກັບເຂົາໄປ ແລ້ວເຂົາຈະເຄົາລົບຫລືເຊື່ອຫມັ້ນໃນໂຕທ່ານຫລາຍຂື້ນ.

ການທີ່ປະເຊີນຫນ້າກັບ ໂອກາດອັນເຫມາະສົມນັ້ນຫມາຍຄວາມວ່າບໍ່ມີຫຍັງສຳລັບເຈົ້າເລີຍ, ຈົ່ງບອກເຫດຜົນທີ່ແທ້ຈິງຂອງເຮົາ ແລະ ພ້ອມທັງແນະນຳ ແລະ ສົ່ງເສີມພວກເຂົາແທນ. ຢ່າລືມພຽງແຕ່ການແນະນຳ 2-3 ປະໂຫຍກງ່າຍໆ, ມັນກໍ່ດີພໍແລ້ວ ກໍ່ຖືວ່າເປັນການຈົບລົງດ້ວຍດີ ແລະ ສຳຄັນຢ່າລືມຂອບໃຈພວກເຂົາທີ່ມາຂໍຄຳແນະນຳກັບເຮົາ.

ຄຳວ່າ ບໍ່ຫວ້າງ ເປັນຄຳເວົ້າທີ່ບໍ່ມ່ວນຫູ, ມັນສະແດງເຖີງການທີ່ເຮົາມີອັດຕາ (ອີໂກ-Eco) ໃນຕົວເອງທີ່ສູງຫລາຍເກີນໄປ ຫລື ການເຫັນແກ່ຕົວ ນັ້ນເອງ.

ນັ້ນເປັນເຫດຜົນທີ່ຄົນສ່ວນຫລາຍໃຊ້ຄຳນີ້, ເພາະຖ້າເຮົາເວົ້າວ່າເຮົາຫວ້າງວຽກ ຫລືບໍ່ມີຫຍັງເຮັດ ມັນຈະເຮັດໃຫ້ເບິ່ງແລ້ວບໍ່ເທ່ໃນສາຍຕາຂອງຄົນອື່ນ.

ສ່ວນວິທີການຂອງຂ້ອຍ ແມ່ນແຕກຕ່າງຈາກສິ່ງທີ່ເວົ້າມານີ້ຄຶ ຂ້ອຍຄິດວ່າຖ້າເຮົາມີວຽກຫລາຍ ແລະ ມີຄວາມຕຶງຄຽດແລ້ວ ເຮົາຍິ່ງຈະຕ້ອງໄດ້ມີແຮງພັກດັນໃຫ້ໄປທາງຫນ້າໄດ້ຢ່າງວ່ອງໄວ. ຄຳວ່າບໍ່ຫວ້າງ-ບໍ່ມີເວລາ ມັນເປັນຕົວບົ່ງບອກເຖີງຄຸນະພາບຂອງການເຮັດວຽກຂອງເຈົ້າ ວ່າມັນບໍ່ຄ່ອຍຈະດີ.

ຄຳວ່າບໍ່ຫວ້າງ ຄຶການຂາດຝືກຝົນ.

ມີປະໂຫຍກຄຳເວົ້າທີ່ບໍ່ຄ່ອຍຈະມ່ວນຫູປານໃດ ອີກຄຳຫນຶ່ງຂື້ນມາໃນບົດຄວາມຂອງຂ້ອຍອີກແລ້ວ. ຄຳວ່າບໍ່ຫວ້າງ-ບໍ່ມີເວລາ ແມ່ນຄຳເວົ້າທາງເລືອກຫນຶ່ງຂອງຄົນຂາດລະບຽບວິໄນ. ເຊິ່ງໂຕນີ້ແຫລະ ຈະເປັນໂຕຫນຶ່ງທີ່ເຮັດໃຫ້ເຮົາຢູ່ຫ່າງອອກໄປຈາກການປະສົບຄວາມສຳເລັດໄດ້ໃນທີ່ສຸດ.

ການພະຍາມທີ່ຈະຕໍ່ຕ້ານທີ່ຈະຕອບຕົກລົງກັບທຸກໆອີເມວ, ເຟດສ໌ບຸກ, ພ໋ອດແຄັດ ຫລືລວມທຸກໆໂອກາດໃນເວລາທີ່ໄດ້ຢູ່ກັບຜູ້ຟັງກໍ່ຕາມ ແລະ ຫລາຍໆສິ່ງ ມັນເປັນເລື່ອງທີ່ຍາກ ມັນຕ້ອງໄດ້ອາໄສຄວາມກ້າຫານເພື່ອທີ່ຈະຕອບ, ເພາະການທີ່ຕອບຕົກລົງໄປນັ້ນມັນຄຶການເພີ້ມຫນ້າວຽກ ໃຫ້ແກ່ເຮົາ ແລະ ສຸດທ້າຍແລ້ວ ເຮົາຈະພົບກັບຄວາມຫຍຸ້ງຍາກຫລາຍປະການ.

ການຄວບຄຸມອາຫານ-ການກິນ; ການໄປຢີມ ເພື່ອອອກກຳລັງກາຍ; ການດຳເນີນການເຮັດທຸລະກິດ; ລວມທັງຄວາມສຳເລັດຕ່າງໆ. ທັ້ງຫມົດເຫລົ່ານີ້ມັນຄຶການເຝືກເຮັດໃຫ້ເຮົາເປັນຄົນທີ່ມີລະບຽບວິໄນ ດ້ວຍກັນທັງນັ້ນ.

ຈົ່ງລຸກຂື້ນ ແລະ ກ້າວຕໍ່ໄປ...

ການກ່າວປະຕິເສດຄຶການສ້າງການຝືກຝົນ ແລະ ຈະຊ່ວຍເຮັດໃຫ້ ຫນ້າວຽກທີ່ວຸ້ນວາຍລົດລົງ.

ຄຳຕອບຂອງຄົນທີ່ມັກຈະບໍ່ມີເວລາຫວ້າງ ຄຶຄຳວ່າ ”ບໍ່”

ບໍ່ ເພື່ອການຈະໄດ້ມີເວລາຫລາຍຂື້ນ.

ບໍ່ ເພື່ອເຮົາຈະໄດ້ມີຈຸດມຸ້ງຫມາຍທີ່ຊັດເຈນຂື້ນ.

ບໍ່ ຄຶຄຳແກ້ໂຕວ່າເພື່ອເຮັດໃຫ້ຕົນເອງບໍ່ຫວ້າງວຽກ.

ສະນັ້ນການທີ່ ຕອບປະຕິເສດໄປ ຈຳເປັນຕ້ອງໄດ້ປະຕິບັດຕາມດັ່ງນີ້:

-ໃຫ້ຄວາມເຄົາລົບແກ່ຜູ້ທີ່ເຮົາປະຕິເສດ.

-ອາທິບາຍເຫດຜົນ ແລະ ຊື່ສັດຕໍ່ຄໍາເວົ້າ.

-ແກ້ໄຂຢ່າງຊ້າໆ ແລະ ຢ່າໂຍນບັນຫາຖີ້ມກາງທາງ.

-ຢ່າຈົ່ມເລື່ອງດັ່ງກ່າວນັ້ນຕາມພາຍຫລັງ.

ແນວໃດກໍ່ຕາມ ຄຳແນະນຳທີ່ວ່ານີ້ມັນເບິ່ງຄຶວ່າຮຸນແຮງເກີນໄປ, ເພາະວ່າການທີ່ເຮົາທຸກຄົນຈະພົບກັບການຫຍຸ້ງໃນວຽກງານ ແມ່ນເປັນເລື່ອງທີ່ງ່າຍ ແລະ ຖ້າສິ່ງໃດທີ່ເຫັນວ່າມັນຮຸນແຮງເກີນໄປເຈົ້າກໍ່ພຽງແຕ່ຢຸດມັນ ແລະ ສຸດທ້າຍແລ້ວ ກໍ່ກັບໄປວຸ້ນວຽກອີກຕາມເຄີຍ, ເຊີ່ງນັ້ນກໍ່ຄືຄວາມລົ້ມເຫລວນັ້ນເອງ.